Ialma | Verónica Codesal | Simbiose | música celta | Galicia | canciones | worldmusic

Simbiose

 

 

|-> Simbiose (2011) : escuchar
|-> Buy online – FNAC
|-> Itunes

Cinema – Enrique Otero

 

Ialma | Cinema

 

Cando a arte evolue e se apoia na tecnoloxía, xorden en perfecta alquimia imaxes que son expresión de modernidade, do pulo elemental que enche o firmamento de luces e de cores. Colaxe para os sentidos, que acordan espaventados por tal profusión de coñecemento que fai mudar a realidade. Un pracer sentir que alguén próximo pode fabricar mundos alternativos, agochar o que de ruín hai na realidade e facer maxia. Que ledicia !

6AM

Entre as sabas escondidas
crías embestir a vida
sólo para ti decías
sólo para ti querías
0

O que diga a túa ira non é canto nesta vida
non te quero escoitar, xa non te quero querer
non te podo mirar, non o chames querer
non quero escoitar, xa non te quero querer

Buscando na túa ofensa
no vacío da túa dor
recollendo cos meus ollos
insultos da túa voz

O que diga a túa ira non é canto nesta vida
non te quero escoitar, xa non te quero querer
non te podo mirar, non o chames querer
non quero escoitar, xa non te quero querer

Mentres abrazo os teus berros
a ira da ialma perdida
acaricio cos meus ollos
túa vida malferida

Escoito os teus lamentos
pides e esixes perdón
e cada vez con máis forza
golpeas meu corazón

O que diga a túa ira non é canto nesta vida
non te quero escoitar, xa non te quero querer
non te podo mirar, non o chames querer
non quero escoitar, xa non te quero querer

Casa de Xantar O Dezaseis – Gastronomía

 

Ialma | gastronomia

 

Na rúa de San Pedro, éntrase á vila de Compostela polo Camiño Francés que parte de Bruxelas. Alí chegaron un día as compoñentes de Ialma. Parada e fonda. Conversas e amigos. Empanadas das mellores e viño que non falte. Algún día dirán que a saudade lles entrou pola cociña, que lle medraron as ansias comendo pementos e sardiñas, polbo e cacheira. Lugar de agarimo onde se cocen a lume lento os soños musicais. Cántase ben co estómago cheo !

Baile – Marco Mendez

 

Ialma | Baile

 

Hai unha ledicia enorme en ver a un compañeiro da infancia abríndose paso, choutando no aire, saltando lizgairo. Hai unha ledicia inmensa ao ver que alguén pode expandir a mente e bailar muiñeiras co mesmo engado no corazón que se bailan ritmos de hip-hop. Sentilo gozar é gozo tamén para os nosos corazóns. Por iso, se cadra ben a conto unha cantiga popular :
« Para quen entrou no baile,/ para quen entrou agora,/ danzarei a noite toda. » Baila, mozo !

Deseño – David Aranda

 

Ialma | Deseño

 

Ninguén como el coñece cada pregue dos nosos corpos distintos, cada curva, cada medo e cada tremor antes xusto de subir ao palco. Sen el, sen as súas ideas e as súas criacións, a mesma esencia de Ialma sería sacudida e racharía
en mil anacos, como un castelo de area que se desfai polo embate das ondas do océano.

Arte Urbana – El Puto Coke

 

Ialma | Arte Urbana

 

Chegou da terra dos mil ríos a este punto do mapa do frío. Animounos cos seus sons magnéticos
e fixo o que mellor lle acae: ser libre e gozar os segredos e as derivacións, as curvas e os rizos da música en mil cores. El non o sabe ou non o quere saber, mais no fondo é un gaiteiro, pronto sempre para a festa.

100 voltas

Non me toque-la puñeta
Quítame de enriba calquera etiqueta
Pandeiretas, micros, pratos
E ó que non lles guste sonche non gratos

Qué carallo! O vello co novo
Eu so traio o sentir do pobo
Bailaríns gastando pista
Demostra o que vales, se non, lisca!

Á vista está, isto é repanocha
Cada un de nós unha besta agocha
Este é o lugar, o momento agora
Xa de xa, sen mais demora
Esquece a moda, hoxe elixes ti
Galaico son, eu síntome asi

Ialma e o Puto Coke,
Non nos toque-la puñeta, OK??!

Artesanía – Obradoiro Seivane

 

Ialma | Artesanía

 

Non hai mestres máis prezados que aqueles que practican a simplicidade da perfección. Se outros son mestres na alquimia dos sabores, a alquimia dos sons, que precede ao estoupido harmónico dos cánticos, destílase no obradoiro
Seivane, onde se constrúen gaitas que soan por si mesmas, cando o vento acariña docemente a palleta do punteiro, cando un paxariño se pousa no fol e daquela sae aire polo roncón. Gaitas para soñar !

Humor – Carlos Bianco

 

Ialma | humor

 

Se cadra lembrar aquel intre máxico no tabernáculo do folk galego que é a Casa das Crechas, na Compostela monumental. Alí, Carlos Blanco, rexo e de barba mesta, ergueu a voz para declarar aso catro ventos : Velaquí « Ialma 4×4 », as « tank girls do folk galego », as rapazas chegadas do alén que arrasan alá onde cantan e fan soar as pandeiretas. Díxoo con cariño e con humor, as dúas características que máis valoramos. Risos e amor !

Dance like a Galician

Fanse os días longos
chega o vrán
non sente-las bombas estoupar?
chega o día grande OU-E-O
temos parking-leira pra aparcar

Come, ri, disfruta ata fartar
aquí inda o pan sábeche a pan
merca unhas rosquillas OU-E-O
a noite promete, ven bailar

Ergue os brazos, sinte o son galego
AI-LA –LE-LO-O
AI-A-LA-LA-LE-LO
DANCE LIKE A GALICIAN

Se o día sae gris, ti “teikiris”
agarda á tardiña, xa abrirá!
e se ves que chove OU-E-O
tira pra Santiago e xa verás

Fai se tal un travel nun tractor
e mételle jas, primeira, rás!
busca ese pemento OU-E-O
con algo de sorte te ha picar

Que o verán é relaxarse
AI-LA –LE-LO-O
AI-A-LA-LA-LE-LO
DANCE LIKE A GALICIAN

Merca unha camisa tropical
monta unha charanga e a ligar
liga bronce en bonxe OU-E-O
tatúate un piercing de metal

Colle un punto e outro e outro máis
métete na rolda e a gozar
olla pra aquel mozo OU-E-O
o ben que se move, o bo que está
Queda pra vendima, tras-tris-tras
esmaga unhas uvas, fliparás
brinda nunha praia OU-E-O
a luz do solpor te cegará

Fanse os días longos
chega o vrán
non sente-las bombas estoupar?
brinda nunha praia OU-E-O
a noite promete, ven bailar

Cando teñas que marchar-e
AI-LA-LE-LO
terás que regresar
JUST LIKE A GALICIAN

Literatura – Xavier Queipo

 

Ialma | literatura

 

Aquel que conta e describe, aquel que logo do espectáculo transcribe en verbas de elegancia o que outros non son quen de adxectivar. O ritmo dos pés levado ás teclas do ordenador para facer saír de sí, en melodía de palabras, un alalá sentido dende a cerna do peito. Amante de todas as músicas, compañeiro na emigración e na defensa da lingua de noso,
atacada por todas as frontes e defendida coma un tesouro. Grazas, amigo!
>

Grixoa

Vouvos contar co meu canto
vouvos contar co meu canto
o que as verbas non dirían
rematou xa tanto pranto

Saín ó mundo a cantar
cos ollos fríos de seixo
aquí cheguei matinando
levaba unha mágoa no peito

Saín ó mundo a gañar
o que a terra xa non daba
farteime de traballar
o que outros me negaban

Cando regrese a Grixoa
verán fresco na ribeira
os meus ollos serán limpos
na fonte da Lagarteira

Viticultura – Adega Terras Gauda

 

Ialma | Viticultura

 

Non hai nada mellor para a farra que un bo viño e unha compaña agradábel. Diso pásase, sen solución
de continuidade, a unhas cantigas entoadas a varias voces. Así, o que comezase sendo unha relación tépeda vai amalgamando solidariedades até se converter en comandita. Se o viño o pon José María Fonseca, artífice da Terras Gauda e soan as pandeiretas e as voces da Ialma, xa un pode berrar sen equívoco : Árdelle o eixo !

Debuxo – Serxio Cobos

 

Ialma | Debuxo

 

Bailando coas pernas como coas man baila, debuxando no aire liñas e sombras. Saído do trebón da música foi destilando en trazos esencia de nós mentres cantabamos afoutas. Se hai algo en común entre a danza e o debuxo, esto é, sen dúbida, o gusto pola cor e as sombras que se moven.

Na iauga – 100 Voltas – Carraskashion

 

Ialma | Miscellaneous

 

Na iauga

Colin ten unha pita que pon cada mañá
Colin ten unha pita que pon cada mañá
ela que fixo a posta no palleiro do Adrán.

Adrán colleu o engazo, deulle un moquetón
Adrán colleu o engazo, deulle un moquetón
e cociñou o guiso pra festa do patrón.

Na iauga, tamén no río e do mar na ribeira
auga, tamén no río, liña da volanteira.

Todos os da parroquia foron molla-lo pan
Todos os da parroquia foron molla-lo pan
tamén o señor cura, el-e meteu a man.

Na iauga, tamén no río e do mar na ribeira
auga, tamén no río, liña da volanteira.
Auga, tamén no río e do mar na ribeira
auga, tamén no río, liña da volanteira.

O mollo estaba tan rico, todo el-e se pringou
O mollo estaba tan rico, todo el-e se pringou
dedos, peito e bandullo, ren de limpo lle quedou.

Na iauga, tamén no río e do mar na ribeira
auga, tamén no río, liña da volanteira.
Auga, tamén no río e do mar na ribeira
auga, tamén no río, liña da volanteira.

Fixo perder a misa a todos os parroquiáns
Fixo perder a misa a todos os parroquiáns
A todas as velliñas, tamén ós lacazáns.

Na iauga, tamén no río e do mar na ribeira
auga, tamén no río, liña da volanteira.
Auga, tamén no río e do mar na ribeira
auga, tamén no río, liña da volanteira.

A toutes ces bonnes p’tites vieilles qui en ont tant de besoin
A toutes ces bonnes p’tites vieilles qui en ont tant de besoin
Ainsi finit l’histoire de la poule à Colin

Sur l’eau, sur la rivière, sur le bord de la mer
Sur l’eau, sur la rivière, sur le bord du vaisseau

100 Voltas

Non me toque-la puñeta
non me toque-la puñeta, ai la
xa me dixo miña nai que bailara a muiñeira

Ai la la la la la ai la la la la
ai la la la la la ai la la la la
la la la

Bailador baila lixeiro
bailador baila lixeiro
un bailador coma ti inda non foi ó torreiro

Ai la …

Baila queridiño baila
que me da gusto te ver-e, ai la
o donaire do teu corpo chega ben pra te manter-e

Ai la …
Baila como has de bailar-e
non andes facendo a risa
que antes de saír ó baile has de saca-la camisa

Ai la …

A ruadiña vai boa
ela non ha de perder-e, ai la
quen non ten amores nela deseara de os ter-e

Ai la …

Carraskashion

O xogo da carrasquinha
é un xogo así ó lado
o xogo da carrasquinha
é un xogo así ó lado

Beixar os ollos á terra
todo o mundo fica ademirado
Beixar os ollos á terra
todo o mundo fica ademirado

A Matilda sacude a saia
a Matilda levanta o dedo
a Matilda sacude a saia
a Matilda levanta o dedo

Dame un bico Maruxinha
que eu che darei un abrazo
dame un bico Maruxinha
que eu che darei un abrazo

Ai! que vida é a nosa
dar beijinhos, dar abrazos

Songs

 

Ialma | Veronica Codesal | songs

 

Ialma Torna

A Santa Maria dadas
sexan lores onradas

Loemos a sa mesura
seu prez e sa postura
e seu sen e sa cordura
mui mais ca cen mil vegadas

A Santa Maria dadas
sexan lores onradas

Loemos a sa nobreza
sa onrrae e sa alteza
sa merce e sa franqueza
e sas vertudes preçadas

A Santa Maria dadas
sexan lores onradas

Loemos seu cousimento
conse lle castigamento
seu ben se eu ensinamento
e sas graças muigradas

A Santa Maria dadas
sexan lores onradas

Loando a que nos valla
lle roguemos na batalla
do mundo que nos traballa
e do dem a denodadas

A Santa Maria dadas
sexan lores onradas

Simbiose

Corazón por corazón-e
o meu non deixes de amar-e
mira que o meu corazón-e
inda non hei de deixar-e

Ai la, ai la la la la la ra la la
Ai la la la la la la la
Ai la la ra la la la

Hei de escreber unha carta
na cascada melancía
quen ten o amor soldado
chora de noite e de día

Ai la …

Quen me dera o que eu quería
quen me dera o que eu quería
quen me dera de trocar-e
tristura por alegría

Ai la …
Eu caseime, cativeime
troquei a prata por cobre
troquei miña liberdade
por moeda que non corre

Ai la …

Inda lle hei de preguntar-e
a ese que me bailou-e
en que lugar foi nacido
en que lugar se criou-e

Ai la …

Este tocar non me gusta
este tocar non me agrada
este tocar non me gusta
gústame quen o tocaba

Ai la …

Vals 10

Se é que canto porque canto
se é que río porque río
se é que canto porque canto
se é que río porque río
se adevírtome son tola
teña calor teña frío

Quen me dera unha nai-e
anque fora dunha silva
quen me dera unha nai-e
anque fora dunha silva
e anque ma silva picara
sempre i-era a súa filla

Silva verde non me prende
mira que non me aseghura
silva verde non me prende
mira que non me aseghura
mira que xa teño roto
outras cadeas máis duras

Se é que canto porque canto
se é que río porque río
se é que canto porque canto
se é que río porque río
se adevírtome son tola
teña calor teña frío

Mira que xa teño roto
outras cadeas máis duras

Adiós que me vou do mundo
porque a terra me chama
adiós que me vou do mundo
porque a terra me chama
deixo o testamento feito
que me enterren na túa cama

Voltar

Bailade no agarrado
bailade no agarrado
pouco me importa o que digan
quero bailar ó teu lado
quero bailar ó teu lado

Ai a la la ai a la la a

Vinde mociños ó baile
vinde que festa non ha faltar
vinde mociños ó baile
e lembraivos en voltar

Se soubera que ti dabas
pasadiñas por me ver-e
tamén eu daba palabra
doutros amores non ter-e
doutros amores non ter-e

Ai a la la ai a la la a

Vinde mociños ó baile
vinde que festa non ha faltar
vinde mociños ó baile
e lembraivos en voltar

Para bailar veño eu-e
para bailar meu irmao-e
pra toca-lo acordeón-e
viva quen o ten na mao-e
viva quen o ten na mao-e

Ai a la la ai a la la a

Vinde mociños ó baile
vinde que festa non ha faltar
vinde mociños ó baile
e lembraivos en voltar

Xota do Amencer

Por te ver ando de noite
por te ver de madrugada
por te ver ando decote
ti por min non andas nada

Dille que suspiro e choro
dille que vivo morrendo
dille que se compadeza
do mal que estou padecendo

Ai amor, ai amor, ai amante
anque queira non podo olvidarte
ai amor, ai amor, ai consolo
anque queira olvidarte non podo

O loureiro raíz de ouro
bota folliñas de prata
coller amores non custa
olvidalos sí que mata

Vouvos da-la despedida
vouvos da-lo parabenhe
vouvos da-la despedida
que ma dan a min tamén-e

Album :

 

Ialma | booklet

 

IALMA: (voz, pandeiretas & Percusión) :
Nuria ALDAO, Natalia CODESAL, Veronica CODESAL, Magali MENENDEZ, Marisol PALOMO

Tracks :

1. 6 AM (3:40)
A: Patricia Blanco Suarez – C: Veronica Codesal. Arr: Pascal Chardome / Didier Laloy / Frédéric Malempré
2. NA IAUGA (4:02)
A: Trad / Translation: Xavier Queipo – C: Trad. Arr: Adriano Cominotto / Veronica Codesal
3. Simbiose (3:51)
A: Trad – C: Trad / Didier Laloy / Pascal Chardome. Arr: Pascal Chardome / Veronica Codesal / Frédéric Malempré / Didier Laloy
4. VALS 10 (3:33)
A: Trad / Ialma – C: Trad / Pascal Chardome. Arr: Pascal Chardome / Veronica Codesal / Frédéric Malempré / Didier Laloy
5. 100 VOLTAS (2:55)
A: Trad / Jorge Cespedes Santos – C: Veronica Codesal / Pascal Chardome. Arr: Adriano Cominotto / Pascal Chardome
6. VOLTAR (3:45)
A: Trad / Ialma – C: Ialma – Arr: Pascal Chardome / Didier Laloy / Veronica Codesal
7. DANCE LIKE A GALICIAN ( 3:11)
A: Liam Sternberg – C: Liam Sternberg. Adaptation : Carlos Blanco / Arr: Adriano Cominotto / Pascal Chardome
8. IALMA TORNA (5:52)
A: Trad – C: TRAD – Arr: Liam Fennelly / Jowan Merckx / Jurgen De Bruyn
9. GRIXOA (3:57)
A: Xavier Queipo – C: Trad – Arr: Pascal Chardome
10. XOTA DO AMENCER (2:39)
A: Trad – C: Ialma – Arr: Pascal Chardome / Veronica Codesal
11. CARRASKASHION (3:09)
A: Trad – C: Trad – Arr: Adriano Cominotto / Veronica Codesal
12. PA’LA CATEDRAL ? (4:33)
A: Carlos Blanco


5 Feb 2011

 

© Ialma | Celta | Galicia

Flux RSS Ialma Musica | RSS fotos